foto: ukjend

det er helg. laurdag, til og med. eg har sove kjempelenge (12.15), det var nice. ei veke igjen i praksis, så er me i mål! 4 veker i 8. klasse har verkeleg vore ei utfordring. dei er flinkare i matte enn meg, og deet er ganske bummer!

no: dusj, mat, matematikkoppgåve. hurra.

hadde foretrukke: portugal, sol, vener.

du trur alltid at det skal gå bra. du tenkjer det. du føler det. du meiner det: det går bra. men så vaknar du ein morgon, kanskje er det regn, kanskje er det sol, men du klarer ikkje sjå det. alle vindauge, alle dører, alle auge, er lukka. låst. stengde. du har nådd punktet der ingenting betyr noko lenger. du merkjer at livet like gjerne kan slutte no. eller fortsetje. det er det same. du kan trø ein fot ut i vegen, bli påkøyrd, kanskje døy. eller ikkje. det er det same. du kan misse ein du elsker. eller ikkje. det er det same. du bur for deg sjølv, ingen skal få sleppe inn, for får dei det, kan dei oppdage at du er ingenting. eller alt.
det
er
det
same.



kanskje er livet berre ei rekkje bilere på ein vegg kanta med arr på kne og albogar, og uansett kor mykje du rekk hendene mot nokon, kjem du aldri til å kjenne at nokon grip dei. kanskje er det ok. du kan vere den personen.
det
er
ok.



tenkte du på det nokon gong? at sjølv om ingen såg det, såg deg, såg det du prøvde å gi men ikkje greide, fordi ingen ville ta imot, ja, det betydde noko. det forma nokon. nokon må ha sett det og kjent det, for no står du her og kjenner at det betyr absolutt alt, og er overtydd om at ein stad i verda står nokon å kjenner det same

på grunn av deg.

til meg sjølv på ein dag som denne.




du må ikkje smile viss du ikkje vil. du må ikkje stå opp viss du heller vil kvile. du må ikkje ete frokost viss du ikkje er sulten. du må ikkje tøyse viss du egentlig ikkje har latter inni deg. du må ikkje eingong kle på deg.





men greit, du gjorde det likevel. du smilte, du sto opp, du åt frokost, du dansa i stova. du kledde på deg, om så berre ein pysj. kjempebra. og no kan du krype tilbake i senga, drikke te, høyre på glade stemmer i andre rom og høyre på trøstesangar. berre fordi du vil det. du får lov av meg.

eg ryddar rom. det er 123819380 ting som er kjekkare enn å rydde rom. og hadde eg budd åleine, ville eg nok aldri ha rydda rom. men eg ryddar altså rom. og det blir jo kanskje fint etterkvart. men det er sååååÅÅÅ himla kjedelig at eg dauar. sukk.

eg har vore i portugal og blitt brun, og etter det har eg hatt ei tullballveke med bare sosialt samvere og pengebruk. veldig uansvarlig, men nå skal eg altså aldri bruke pengar meir. heiltsantkorspåhalsen.

eg går på skule. ein stor skule med hundrevis av menneske, og som konsekvens av dette: influensa. ikkje hos meg, men i naborommet. eg reknar med at eg, som neglebitar, har eit immunforsvar som kan stå imot både pest og kolera, og er derfor ikkje bekymra. men eg skal innrømme at det er litt stusselig å høyre på hosten til stakkars e gjennom veggen. me kryssar fingrar og tær og antibac og halsbind på at ho blir frisk fort :)

elleeeers... så skal me til portugal! ein jentegjeng på 6, og det blir veldig koselig. reiser 5. september og skal vere ei veke. tenkte me skulle ta på oss oppgåva å frakte influensaen ut av landet igjen. staten kan sende pengar seinare, ikkeno strezz, lizm.

no skal eg sove. og sidan eg har innsett at blogginnlegg utan bilete er teit, værsågod:

sandalane mine farga av når eg hoppa i sølepyttar. tenk det!

ein bil. ei mamme. ei kjempestoresøster. ei minisøster, ein pytteminibroremann. støy. desperate times calls for for drastic measures.

minisøster: bææløølvvæÆÆÆÆÆÆÆÆÆÆÆÆÆÆÆÆÆÆÆÆÆ (bråk)
pytteminibroremann: BAHAHALALLAÆÆÆÆÆÆÅÅ (bråk)
kjempestoresøster (rimelig desperat) STILLELEIKEN FRÅÅÅÅÅ NÅ!!

(stillhet)
....
...
pytteminibroremann: Ehehehehh! Eg e pappan til stilleleiken, så eg må IKKJE verr stille. DÅKE må verr stille. HYSJ! Ehhehe.. bløbæBÆBÆÆÆL hoho!

kjempestoresøster: >.<



jaja, sånn går nu dagan.

eg vart utfordra av finatina, og tek sjølvsagt imot med stor takk, då slepp eg jo å tenkje ut noko lurt å blogge om sjølv!

1. Ok, I had to enter my pictures folder and choose picture number 6 and tell the readers about it?


(eg hadde mange mapper med mange mapper i, så eg tok liksom mappe nr 6, mappe nr 6, bilete nr 6) tenkesjææl.
Dette er thor magnus, fadderbarnet mitt. det er litleguten til barndomsbestevenninna mi, men no er han blitt treogeithalvt år, og stor gut. han vart fødd 31. januar 2006, og eg reiste eins ærend frå stavanger til haugesund etter skulen for å helse på han. var der ein halvtimes tid, og hoppa på bussen tilbake. det var heilt uverkeleg å sjå han, alle andre nyfødde babyar eg har sett, har hatt pyyttesmå auger og innskrumpa ansikt. dette vesle vidunderet låg i mammaen sine armar og såg rundt seg med enorme, knallblå auger. heilt fantastisk søt, og eg hugsar eg tenkte at hal likna på ein rumpnisse frå ronja røverdatterfilmen.

2. Write down 6 things I love.
-vener
-iskaffi
-blomar
-poesi
-pepsimax
-frihet

3. Write down 6 bad habits
-bit på skinnet rundt fingerneglane
-tvinn håret rundt fingrane i tide og utide
-kan få det for meg at eg MÅ synge sangen ferdig dersom eg har byrja på ein
-grin når eg blir sint
-har det med å herme etter dialektane til folk eg snakkar med
-skriv bokmål når eg skriv noko eg ikkje er komfortabel med, til dømes i sjukepleiarkardexen på jobb.

4. Write down 6 dreams you have:
-reise til island
-tatovere meg
-lære fransk
-lage ein heim
- gå pilegrimsferd til santiago de compostela
-utgi noko

5. Write down 6 different jobs you'd like to have :
-forfattar
-husmor
-lærar
-sjukepleiar
-designar (hadde eg berre kunna sydd)
-konditor!

6. Write down 6 blogs that deserves some praise and love.
alle på lista mi! de e herved utfordra.

fredogkjærleikogallthatjazz